إلى كل مغرور ومتغطرس وينتقص من المرأة السعوديه

إلى كل مغرور ومتغطرس وينتقص من المرأة السعوديه Cute%20(73)

تقول أم أديم( اسماء العبيدان ) من القصيم

... وهي ترد على من يحاول سلخ المرأة السعودية والخليجية بوجه عام من قيمها وطهرها ...تقول:

إهداء إلى بنت بلادي المتشحة بالحجاب والعفاف

* إلى كل مغرور ومتغطرس وينتقص من المرأة السعودية

للاستماع للقصيدة بصوت عمر المنسلح
http://www.qassimy.com/nu/styles/vista/images/headset.gif

للتحميل

إلى كل مغرور ومتغطرس وينتقص من المرأة السعوديه 1.1

حنّا بنات الوطـن وشمـوع ديجـوره وحناّ بنات الوطـن وأحلـى سعوديـه
منابت المجد وأصل المجد والصـوره مرابـط العـز وسـبـوق النـداويـه
منابت الملح وأصل الـورد وزهـوره مكاسـر العـود والنفحـه سمـاويـه
عذبات الانفاس وأغلى المسك وعطوره نفحات الأشجان والنسمـه ربيعيـه
فوح الخزامى بروض ٍ قيل ممطـوره قدِ علّها مـع بكـور الوسـم وسميـه
حنّا بنـات الوطـن سكنـاه وخـدوره حنّـا بنـات الوطـن والثقـل ماريّـه
ياللـي تعذربنـا يمنـاك مكـسـوره ماكـن فينـا لـك أم وبنـت وأخيـه
أفكـارك السـود مشبوهـه ومبتـوره وعلومـك العـوج ملفوفـه وملويـه
تلـف وإلا تزيـد اللـف لــك دوره العلـم بالهـون والحاجـات مقضيـه
خذها على نـور والرايـات منشـوره بالعـدل والميـز مكتوبـه ومقـريـه
خذها وباقـي بهـا وقفـات مذخـوره تجيك مـن فـوق وإن حبيّـت رديـه
بنت الوطن ياضعيف الرأي مذكـوره بالخيـر والطيـب مذكـوره سنافيـه
من أول الوقـت يالمسكيـن مشهـوره بالفكر وأحلـى التواصيـف النسائيـه
بنت الوطن ياقصير الشوف معمـوره بالعطـف والليـن وتزيـده بحنـيـه
إن كان بالكون قالـوا عينـه وحـوره بنت الوطن من عظيم الشـان حوريـه
بنت الوطن من جمال الخلق مستـوره الطبـع هـادي ووقـت الجـد جديّـه
ممكن تقـوّم بوجـه المعتـدي ثـوره والأصـل تكوينهـا ثابـت حيـاويـه
شيهانة اللحظ بنـت الريـح منثـوره ملمومة الخصر بنـت الذيـب ريميـه
يعنـي حجازيـة العينيـن مخـبـوره نجديـة الخصـر واللمحـه خليجيـه
ريحانة الفل بـأرض الفـل مبـذوره يعني عسير وعبيـر أحلـى عسيريـه
وقـاّدة الحـس بالاشـواق دكـتـوره يضيق صدر الزمـن تبقـى شماليـه
تكتب حروف الوفا وتسّـن دستـوره بحروفها إخلاص وإن حبّت هواويـه
يعني هي الجو مـع بيـداك وبحـوره مـن رأسهـا للقـدم بالزيـن مكسيـه
سمعت ياللي حسبتـه لعبـة الكـوره بعض السواليـف لا سقتـه عماويـه
لا ضيّع الدرب مثلك وأخلف شعـوره ندلّـه الـدرب والاعـمـال بالنـيـه
ياخـاوي الفكـر والعـدلات مقبـوره في صدرك اللي لبس بلـواه صدريـه
مغرور مغرور مثلك نـاس مغـروره بمركـب النقـص والاوهـام مبليـه
منادميـن الخطـا ملفـاه وطـيـوره الفكـر خيـاّل والسـاحـه خيالـيـه
من الحماقه لبسـك الكبـر وشـروره والحمق رمح الردى وحـدود هنديـه
تسكن زواياك والطرقـات مهجـوره ياغراب خل الحمام إنسـى خطاويـه
لو تفرد الريـش يالطـاووس مأثـوره عواقـب الكبـر يالمغـرور سلبـيـه
ياسيّـد الغطرسـه ياقاصـر شبـوره ياعاشق الذات عشـق الـذات نفسيـه
سمعت رد الاصيله وإفهـم سطـوره بسيـط منـسـاب والاوزان شعبـيـه
وإسلك طريق الهدايه وإحفظ السـوره السوره اللي علـى المعنـى ومكيـه
وإن كان نفسك على الشينات مجبـوره والنـار ياميّـت النـيـران مطفـيـه
أجيك أنـا بنـت هالديـره ومأجـوره وتشوف بنت الوطن والجمـره الحيـه
أجيك وتشوف بنت السبـع مسعـوره وأخرك معروف والدعـوى طبيعيـه
الوقت معروف فـي زنـات دبـوره يخرّب العـش وهـو العـش راعيّـه
ماهي بشرَبه من الغـوري وشابـوره بعض الحكاوي وفيه حـدود محميـه
خذها ولا أقـول لا رديّـت مشكـوره من واجبي لا دفعـت الشـر والسيّـه
بأول خطوط الدفـاع وراس طابـوره أصــد وأرد والـصـدّه هجومـيـه
خذها وأنا بنت قوم المجد وحضـوره مني وأنا مـن بنـات الـدار نجديـه
من نجد ماجيت أنا المغرب وناطـوره وماجيت حد اليمن ما كنـت مصريـه
خذها وأنا ماعرف الحمراء ولا شتوره ولا جيت عمـاّن وإلا كنـت شاميـه
ولا نيب من بابل النهريـن وآشـوره وإلا بعد من بنـات الشـرق شرقيـه
خذها وأنا من عظيم الشان منصـوره من نجد ماقول أنـا شقـراء وغربيـه
أعيّـد العيـد مـا عوشـر بعاشـوره الديـن الاسـلام والمنهـاج سنـيـه
خذها ونفسي على المسفـار مأمـوره والنفس معـروف مأمـوره ومنهيـه
ماقلتها من غضب بالوقـت مقهـوره على الملا وإن بغيـت السلـم سلميـه
خذها وأنا بنت روس الطيب وصقوره الجـد قحطـان والمنشـأ قصيمـيـه

إلى كل مغرور ومتغطرس وينتقص من المرأة السعوديه Anyaflower449

إلى كل مغرور ومتغطرس وينتقص من المرأة السعوديه 1169161688

لوكان ترك الدين تقدما

:
فموتي يانفس قبل أن تتقدمي

إلى كل مغرور ومتغطرس وينتقص من المرأة السعوديه Sh13

اقتباس :: خذها وأنا بنت روس الطيب وصقوره الجـد قحطـان والمنشـأ قصيمـيـه

والنعم الساع فيها وفي اصلها ومرباها وانا اشهد انه ما فيها حيله ولا مذمه في كل سعوديه تسلمين حبوبه ع القصيده والاختيار الراقي

إلى كل مغرور ومتغطرس وينتقص من المرأة السعوديه Www.mowjeldoha.com-3barat-49

إلى كل مغرور ومتغطرس وينتقص من المرأة السعوديه 0476

شكرا على مروووووووووورك الجميل